¦ ¦ ¦ `•.¸.• ₪₪ وآآآخــزيـــــــــآآآآآآآه ₪₪ •.¸.• ¦ ¦ ¦

صباح الخيـر ان كانت الشــمس مشرقـــــــة في بلادكـــــم

ومســاء الخير ان كـــــان القمــــــر ينيـــــــر سماءكـــــــم



لوكان الأمر بيدي سيدي (تي) لقدٌمت لكم عصيرآ أو أتاي ليرافقكم أثناء قراءة القادم ..
الا ليت باليد حيلة لأسعد بنثرِ ورود الترحيب للجميع ..

¦ ¦ ¦ `•.¸.• ₪₪ انــترهـيات ₪₪ •.¸.• ¦ ¦ ¦

تهور اخوكم ياسر وقرر يكتب هذا الموضوع .. وتزاحمت وتشابكت المقدمات في بالي ولم اعرف ايهما اختار ..
مرة اقول بصير رومانصي واكتب الكلام الذي معجب به واحسه ما ينكتب الا في مذكرات البنات .. وخذوا عينه من هذا الكلام الكبير ..


اعزائي رواد منتدى المفتوح


مساؤكم رائع وجمــــال ..


يكفيني انا اضع سطري بين سطوركم ليكمل مسيره رحله قلمي .. وردي..
فانتم قادرين على احتواء التميز كــاملا ..


متابعتكم وتشجيعكم بنكهه الابداع تحتضنها مشاعركم قبل اقلامكم..


^
^

اخق بصراحه مع الكلام الكبير مع اني ما ادري مين اللي اخترعه ..







ومره أخرى اقول .. خلني ادخل عليهم بمقدمه اكبر فيها روسهم وامدحهم هم ومنتداهم >> طلع منها واسوي خبطة الموسم .. بالله عليكم شوفوا ما مدحتكم..





واقف على بابكم ولهان ومسير ××× اسال عن اللي سال محبوبي الصغير

يومين مروا علي سنتين لو اكثر ××× مـاقدرت يا منيتي عن شوفـكم اصـبر

هذا النصيب انكتب احبه انا صغيرون ××× يحبني لكن هله يخاف لا يدرون

^
^

ركزوا بالسطر الاول والثاني وماعليكم بالسطر الثالث اللي هو الاخير كتبته لزوم انهاء الكسرة ودقة العود ومن باب حفظ الحقوق الادبيه للشاعر .. وحبه فوق وحبه تحت ..





ومره أخرى وثالثه .. قلت بما اننا على ابواب اختبارات ومذاكره قلت اعطيهم سالفه تشد من ازرهم وتساعدهم على التفوق ..


جدتي الله يطول بعمرها قررت قبل عشرين سنه تقريبا انها تدخل محو الاميه حتى تتعلم وكانت توها شابه في الاربعينيات .. المهم مرت السنين الى ان وصلت سادس ابتدائي واصبحت على ابواب الشهاده الاعداديه .. وطلعت النتايج ..

جدتي راحت تستلم النتيجه وجدي وعيالها ينتظرون النتيجة بشغف ..


دخلت عليهم جدتي والابتسامه مقطعه وجهها من الفرحه وتقول باركولي نجحت واخذت الاعداديه وازيدكم من الشعر البيت ماخذه التاسعه على العجاوز اللي بالفصل ..

طبعا باركولها وفرحوا معها .. وفي لحظة نشوه فاجأها جدي بسؤال كم عدد الطالبات في الفصل .. جاوبت جدتي وبتشدق عشرة ..


الى اليوم وجدي الله يقلع ابليسه ماسك السالفة على جدتي وكل مايبي يستفزها ذكرها فيها

الزبده من القصه.. ذاكروا انت وياها زين واحفظوا كوتاب الله وبلاش شغل التزوير والنصب على اهاليكم ..



وبعد الحيره والتفكير والوسوسه قررت اني اترك المداخيل السابقه وادخل مع الباب الرئيسي ..


¦ ¦ ¦ `•.¸.• ₪₪ مـــدخــــل ₪₪ •.¸.• ¦ ¦ ¦


اليوم سأطرح موقف جديد صار معي انا وخويي الوسيم ابو عجب
في أحد أسواق مدينة الرياض ..


يالله انت وياها سووا دائره كبيره وركزوا زين الدعوه فيها ترقيم ومن اللي الزي مين ..


¦ ¦ ¦ `•.¸.• ₪₪ وآآآخــزيـــــــــآآآآآآآه ₪₪ •.¸.• ¦ ¦ ¦




الساعه الرابعه عصرا وانا اخذ قيلولتي >> امحق قيلولة من الساعه 12 .. رن هاتفي المحمول النقال (لابارك الله في دريم ) وصحاني من احلى حلم .. قفلت الاخلاق طبعا رديت بدون ما اشوف من المتصل .. عادها عيوني ما اشتغلت لان الغرفه ظلام .. رديت وانا ناوي شر واابي العن ابو سادس اللي اتصل ..


المتصل : الو مرحبا ..

انا : نعم .. خير من انت ..

المتصل : افا والله حتى رقمي مسحته من عندك .. عموما شخبارك وعسى ما ازعجتك..

انا : لحظه لحظه اخوي .. طبعا بعد ماحسيت اني بجيح .. هلا والله تركي ( ابو عجب) اعذرني ابو عجب والله بس كنت نايم ..

المتصل ( تركي ) : عسى ما ازعجتك وصحيتك من نومك ..


انا: ابد والله .. بس لو انك قدامي كان اعلقك بالمروحه وانغزها على رقم واحد ..



كلام مشفر ..



تركي : والله يا ياسر (احم ) من زمان عنك وابي اطلع انا وياك للسوق ..


قبل لا اقولكم ردي ناخذ فاصل لاني باعطيكم نبذه عن تركي .. اللي يبي يطير شراب عنده متسع من الوقت .. واللي ماعنده دي اس إل يقطع الاتصال عشان لاتوصل فاتورته الحد الائتماني ..

ابو عجب زميل وصديق لي من أيام الحارة بس هو نقل من حينا الحين .. انسان خلوق لابعد الحدود .. ماعنده من شغل الخمبقه .. لديه روح الدعابه وصاحب ظل خفيف .. فتيت كوره درجه اولى .. واللي يهمنا في السالفه انه ماشاء الله يطيح الطير من السماء من وسامته ..



عدنا ..



انا: ابشر ان شاء الله الوعد الساعه ثمانيه..


بصراحه انا انحرجت من الرجال كم مره اتصل واعتذرت واليوم ما كان عندي شي والا لو علي ما عتبت السوق .. على فكره ما دخلت هذا السوق من فترة طويلة ..

الحين هدوووء وتركيز .. جينا للعلوم السنعه ..


دخلت انا وابو عجب السوق بدينا في الدور الارضي لان الرجال ناوي يشتري له كم بنطلون على كم تيشيرت على كم بلوفر ومحدثكم ناوي يطقله جزمه - يكرم السامعين- وهذه المحلات اغلبها بالدور الارضي ..

السوق ماكان مزحوم لانه يوم السبت لكن فيه عدد لا بأس به من الشباب والشابات .. وفي احد المحلات كان ابو عجب منهمك في البحث بين الملابس وياخذ رايي .. وهو يقلب بين الملابس الا تجي عينه بعين وحده .. هالوحده ريحة العطر صاكه سبع كيلو قدامها وطاقه ذيك اللثمه والعبايه المخصره نسال الله السلامه .. ابو عجب ياحبي له نزل عينه من الحيا لكن هالوحده عيت تشيل عيونها وقامت تتفحصه من فوق الى تحت وتعطيه من ذيك النظرات .. ومن هنا بدا الحماس ..

من زود احراجه الولد سحبني وطلعنا من المحل .. الى هنا والوضع عادي والولد متعود على هالنظرات ..



فاصل اخر..



تخيلوا ان فيه دعاية احسن عشان اخشن ..


حتى لايجيني واحد ماشي سنكليون ويقول انت فيك ومافيك .. انا شاب وبين قوسين سعودي .. وكلنا يعرف بحركات الترقيم والمغازل .. انا ما ادعي الصلاح ولكن اروي لكم ماحدث ..



يتبع

عدنا




طلعنا من المحل ورحنا لمحل ثاني وفي تفكيرنا ان النظرات عابره ولكن .. وجدنا نفس البنت خلفنا في المحل وتناظر ابو عجب بنفس النظرات .. رحنا للمحل المجاور وهالادميه ورانا .. صرنا زي توم وجيري من مكان لمكان ومن محل لمحل وهي ورانا ..

ابو عجب يقولي وشفيها هذي تلاحقنا وشوي وتاكلني بعيونها .. قلت له وانا واثق وملئ وجهي ابتسامه ياخي عطها الرقم ودعها تذهب الى الجحيم وفكنا من شرها .. قالي انهبلت انت هذا الناقص والله .. في نفسي اقول ياخي اذا ماتبيها حولها علي >> امزح ترى ..

المهم .. بنت الذين ماخلتنا نشتري شي وقلنا خلنا نطلع الدور الثالث نتعشى ثمن نطلع ..
طلعنا من الدرج وتركنا السلم الكهربائي على بالنا اننا ذيابه ونبي نضيعها .. بدينا نلف على المحلات في الدور الثالث ونسيناها .. معروف ان هذا السوق ممراته ودهاليسه كثيره ..

شريت معطر جسم من واحد من المحلات وطلعنا من المحل وانا اعطيه تركي يشمه .. والا هالادميه في وجهنا .. انا وتركي وهي في ممر من ممرات السوق لحالنا .. طلعت جوالها المزود بكاميره وقامت تقلبه .. يعني افهم ياحمار انت وياها وهاتوا الرقم ..

تركي احس انه قفلت معه وقام يخزها بعينه ومحدثكم في عالم ثآآآني ..


فجأه وبدون مقدمات ..


قربت مننا وقالت لتركي ممكن جوالك لحظة .. والله الذي لا اله الا هو هذا اللي صار .. بصراحه ماني عارف اوصف لكم الموقف في هاللحظه .. تركي وفي لحظة انعدام للجاذبيه (يعني فهاوه ) عطاها الجوال .. دقت على رقمها من جوال تركي وعطته الجوال ومشت ..

تركي من هول الصدمه يقول .. ثكلتني امي ويحي البنت رقمتني .. وانا من زود الفهاوه صاير اقرا الرقم والجوال ماسكه بالمقلوب ..

تعشينا وطلعنا من السوق والى توقيت كتابة هذه الاسطر وانا مو مصدق اللي صار !!!

الى هالدرجه وصلت البجاحه والجرأه !!!


ما اقول الا يآآآخزيـــــــــــــــــــــــــــــــــــــــــآآ آه !!!




ابي كل واحد يعطيني رايه بهالموقف الحلو البايخ وعلى فكره ما ادري وش صار على ابو عجب وخويته ومن الحين اقولها ماني معرف احد على ابو عجب ..



¦ ¦ ¦ `•.¸.• ₪₪ لـــيـــش ₪₪ •.¸.• ¦ ¦ ¦


هذا واحد طاقتن عنده الغيره من بعض الناس ويبي يسأل ليش ...؟!


ليش الأم يوم تاكل ولدها ولا يهون الاب لازم يغصبونه يكمل الصحن كله حتى ولو شبع واذا طلع الاكل بعدها ياخذله ذيك العلقه المحترمه .. صوره مع النيجاتيف لكل أم تكرر هذا الموقف يوميا ..




ليش حنا اذا جينا نبي ننام الواحد يحس كذا ان عيونه تتصكر ...؟!


¦ ¦ ¦ `•.¸.• ₪₪ قــفـــلة ₪₪ •.¸.• ¦ ¦ ¦


لا تنظر الى الناس من قمة الجبل فتراهم صغارا ويرونك صغيرا ..

بالنهاية لا يسعني إلا ضغط زر إعتماد الموضوع علـٌه كان خفيفآ على أعينكم أحبتي ..






ونلتقي على دروب الخير أحبه

/
\
/
\
/
\
/
\